قائمة قصائد عن الوطن


اضافة قصيدة عن الوطن

غانم خلف الصبيخان

09:55 09 /23 /2018

( دام عزك يا السعودية )،،،، ( دام عزك يا السعودية الحبيبه/واصلي أمجادك وهي فوق السحاب ) ( دار سلمان الحزم والحزم هيبه / بالحزم و العزم تجتاز الصعاب ) ( الملك سلمان فوق الحزم طيبه / في طريق الخير ما نوخ ركاب ) ( خادم البيتين في مكه و طيبه / و الشرف للي خدم سنه و كتاب ) ( نايبه محمد و لمحمد نصيبه / من شموخ العزم و شموخ العقاب ) ( للهدف نيشان بأفكاره يصيبه / وإن لفاه الشور رايه و الصواب ) ( الشجاعة فيه تغتال المصيبه / و الفراسه تذهل أصحاب الجناب ) ( محتزم للعز بأفعاله يجيبه / ما يهاب الموت لله ما يهاب ) ( بدار سلمان الحزم مابه غريبه / سيرة آل سعود في عزم الشباب ) ( يا ولي العهد بالفترة العصيبه / و انت بن سلمان سلمان المهاب ) ( محمد الضرغام زاهب للصعيبه / و المهام الصعبه لرجال الصعاب ) ( دام عزك يا السعودية الحبيبه / ودامت أمجادك وهي فوق السحاب ) الشاعر / غانم بن خلف الصبيخان العبيدي

موفق الهذال

12:51 09 /23 /2018

الله يديم الخير ويعز الاوطان... ويدوم حكم موحدين الجزيرة

بندر إبراهيم الخنيفر

11:58 09 /23 /2018

🇸🇦 بالمملكه .. يالمملكه  لك من هوى الرّاس موّال وابيات شعرٍ صغتها في ثواني يفنى العمر والارض تبقى للاجيال كان الله احياها بطول الزّماني صدق الوفا يوضَح على عَين رجّال والتضحيه أكبَر من اسم ومعاني يا بلاد عندي لك طموحات وامال يبقى مكانك دام هذا مكاني سَلام يا دَارٍ بها السّلم منزال عدوّك يهَان وعليك الأماني حفظت رسْمك نخلَه وسَيف ورمال وكبَرت احبّك والمحبّه جناني كتَبت لك ضمن المراسيل مرسال وزرَعت لك بالقلب قدرٍ وشاني بكون لك بالصّدق مضرب للامثال واقولها بالحق سرّ وعلاني حمَاك ربّي من عدَاوَات الانذال ومن كل مفسد ومتكبّر واناني وعلى حدُودك سَاهر العَين لازال يرعى وجُودك باقتدار وتفاني ترى الوفا بالدِّين له عَهْد واجلال عسى الوفِي بالخير يجزى الجناني هذا الوطن نفدَاه بالحَال والمَال مثل الثّرَيّا والثّرَى له طماني #بندر_الخنيفر

مطلق الخياري

11:32 09 /22 /2018

وطن يسعد صباحك ياوطنا والعمار فداك تباكرك الرعود وينثني لك غصن بارقها وطن يسعد مساك الشمس ماغابت تبي فرقاك تعدت للمغيب تعلمه عن طيب مشرقها 🇸🇦✅

موفق الهذال

09:12 09 /22 /2018

المـملكـة فيـني وانا حـر سلمـان.. من دونها عمري وروحي ومالي/ نـفداك ياسـلمان ياطيـر حـوران.. ويـفداء تـرابك ياوطـن كل غـالي

َمصطفى سعيد الزهراني

08:28 09 /22 /2018

يا الله عزّ المملكة و احفظ آل سعود والله انّا نفتخر في الملك سلمان و المحبة والولا و الغلا و البيعه صادقه و اموثقه من قلوووووبنا